Psalms 74
1ကစၢ်ဧၢ,နညိကွံာ်ပှၤလီၤထူလီၤယိာ်ဘၣ်မနုၤလဲၣ်.နသးထီၣ်ခုၣ်ထီၣ်ဘၣ်နတၢ်အီၣ်ဆၣ်အလီၢ်အသိတဖုဘၣ်မနုၤလဲၣ်.
2သ့ၣ်နီၣ်ထီၣ်က့ၤနတၢ်အိၣ်ဖှိၣ်လၢနပှ့ၤအီၤလၢပျၢၤ,နတၢ်န့ၢ်သါလၢနပှ့ၤက့ၤအီၤ,ကစၢၢ်စံယိၣ်အံၤလၢနအိၣ်နဆိးတ့ၢ်လၢအလိၤန့ၣ်တက့ၢ်.
3ထွဲတၢ်ဆူနတၢ်အိၣ်သယုၢ်အထူအယိာ်အလီၢ်တက့ၢ်.တၢ်အဒုၣ်အဒါမၤဟးဂီၤကယဲၢ်တၢ်အိၣ်လၢတၢ်အလီၢ်စီဆှံအပူၤလီၤ.
4နဒုၣ်နဒါတဖၣ်န့ၣ်ကညီၤပသူထီၣ်လၢနတၢ်အိၣ်ဖှိၣ်အသးကံၢ်ပူၤလီၤ.သူၣ်ထီၣ်အသုးဖိအလၣ်လၢတၢ်ပနီၣ်အဂီၢ်လီၤ.
5မၤအသးဒ်ပှၤလၢအယၤထီၣ်အကွါလၢသ့ၣ်ပှၢ်တီၣ်အသိးန့ၣ်လီၤ.
6ဒီးခဲကနံၣ်အံၤ,ကူာ်ကွံာ်တၢ်စိးပျၤအသးတပူၤဃီ,လၢကွါဒီးခံၣ်ခူၣ်လီၤ.
7ဒီးကွံာ်တ့ၢ်မ့ၣ်အူလၢနလီၢ်စီဆှံအပူၤ,မၤဘၣ်အၢနမံၤအိၣ်ဝဲအလီၢ်ပၢၢ်လၢဟီၣ်ခိၣ်လီၤ.
8စံးဝဲလၢအသးကံၢ်ပူၤ,ပကမၤဟးဂီၤအီၤတပူၤဃီလီၤ.ဒုးအီၣ်ကွံာ်ကယဲၢ်ယွၤအတၢ်အိၣ်ဖှိၣ်အလီၢ်လၢအထံအကီၢ်အပူၤန့ၣ်လၢမ့ၣ်အူလံ.
9ပတထံၣ်ဘၣ်ပတၢ်ပနီၣ်တဖၣ်ဘၣ်,ဝံတအိၣ်လၢၤဘၣ်,ဒီးကဆံးယံာ်ဆံးယံာ်လဲၣ်န့ၣ်ပှၤလၢအသ့ၣ်ညါတအိၣ်ဘၣ်လၢပကျါဘၣ်.
10ယွၤဧၢ,တၢ်အဒုၣ်အဒါကဒုၣ်ဒွဲၣ်တၢ်ဆံးယံာ်လဲၣ်.တၢ်အဒုၣ်အဒါန့ၣ်ကပာ်နမံၤလၢတၢ်နီတမံၤဘၣ်လီၤထူလီၤယိာ်စ့ၢ်ကီးဧါ.
11နထုးက့ၤနစု,နစုထွဲဘၣ်မနုၤလဲၣ်.လၢနသးနါပှၢ်အပူၤန့ၣ်မၤဟးဂီၤအီၤတက့ၢ်.
12ဒီးယွၤမ့ၢ်ယစီၤပၤလၢပျၢၤလၢအမၤတၢ်အုၣ်က့ၤခီၣ်က့ၤလၢထံဧိၤကီၢ်ဧိၤအပူၤလီၤ.
13နမၤသ့ၣ်ဖးပီၣ်လဲၣ်လၢနဂံၢ်နဘါလီၤ.နမၤသဘှံးပယိၤအခိၣ်လၢထံကျါ,
14နမၤလီၤကလဲသမၣ်အခိၣ်,ဒီးပာ်အီၤလၢတၢ်အီၣ်လၢပှၤဂီၢ်မုၢ်အိၣ်လၢပှၢ်လၢ်ကျါအဂီၢ်လီၤ.
15နကျီထံထီၣ်ပၢၢ်,ဒီးထံကျိ,နဒုးလီၤသံးကွံာ်ထံမိၢ်ပှၢ်ဆူၣ်တဖၣ်လီၤ.
16မုၢ်နံၤမ့ၢ်နတၢ်,မုၢ်နၤမ့ၢ်စ့ၢ်ကီးနတၢ်လီၤ.နကတဲာ်ကတီၤတၢ်ကပီၤ,ဒီးမုၢ်ဧိၤလါဧိၤလီၤ.
17နပာ်ဟီၣ်ခိၣ်အသရ့ၤခဲလၢာ်,နတ့တၢ်ကိၢ်အကတီၢ်,ဒီးတၢ်ဂီၢ်အကတီၢ်လီၤ.
18သ့ၣ်နီၣ်ထီၣ်က့ၤတၢ်အံၤ,တၢ်အဒုၣ်အဒါဒုၣ်ဒွဲၣ်ယွၤ,ဒီးပှၤဟးဂီၤဖိဂီၢ်မုၢ်မၤတရီတပါနမံၤလီၤ.
19ဟ့ၣ်လီၤကွံာ်နထိၣ်လွံၢ်ဘုၣ်အသးဆူတၢ်ဒူတၢ်ဃိၤတဂ့ၤ,သးပ့ၤနီၣ်နပှၤဘၣ်နးဘၣ်ဖှီၣ်အတၢ်အိၣ်ဖှိၣ်န့ၣ်လီၤထူလီၤယိာ်တဂ့ၤ.
20ကွၢ်တၢ်အၢၣ်လီၤအီလီၤန့ၣ်တက့ၢ်.အဂ့ၢ်ဒ်အံၤ,ဟီၣ်ခိၣ်အလီၢ်ခံးတဖၣ်န့ၣ်ပှဲၤဝဲဒီးတၢ်မၤနးမၤဖှီၣ်အိၣ်ဝဲအလီၢ်တဖၣ်န့ၣ်လီၤ.
21မ်ပှၤလၢအဘၣ်တၢ်မၤအၢအီၤအသုတဟဲက့ၤဘၣ်မဲာ်ဆှးတဂ့ၤ.မ်ပှၤဘၣ်နးဘၣ်ဖှီၣ်,ဒီးပှၤဖှီၣ်ဖိယာ်ဖိန့ၣ်စံးထီၣ်ပတြၢၤနမံၤတက့ၢ်.
22ဂဲၤဆၢထၢၣ်,ယွၤဧၢ,လိာ်ကွီၢ်လၢနကွီၢ်ဒၣ်နဲအဂီၢ်တက့ၢ်.ပှၤဟးဂီၤဖိဒုၣ်ဒွဲၣ်နၤကိးမုၢ်နံၤမုၢ်နၤဒဲးန့ၣ်သ့ၣ်နီၣ်ထီၣ်က့ၤတက့ၢ်.
23သးပ့ၤနီၣ်နဒုၣ်နဒါတဖၣ်အကလုၢ်တဂ့ၤ.ပှၤလၢအဂဲၤဆၢထၢၣ်ထီဒါနၤအသီၣ်န့ၣ်ထီၣ်ဝဲတထံၣ်ဃီလီၤ.