Psalms 68
1မ်ယွၤဂဲၤဆၢထၢၣ်တက့ၢ်.မ်အဒုၣ်အဒါလီၤပြံလီၤပြါတက့ၢ်.ဒီးပှၤလၢအသးဟ့အီၤတဖၣ်န့ၣ်မ်အဃ့ၢ်တၢ်လၢအမဲာ်ညါတက့ၢ်.
2ဒ်မ့ၣ်အူခုၣ်ဘၣ်တၢ်ဟီထီၣ်ကွံာ်အီၤအသိးန့ၣ်,ဟီထီၣ်ကွံာ်အီၤ,ဒ်ဃိးပှံၢ်ဝဲလၢမ့ၣ်အူအမဲာ်ညါအသိးန့ၣ်မ်ပှၤတတီတလိၤဟးဂီၤလၢယွၤအမဲာ်ညါတက့ၢ်.
3မ့မ့ၢ်ပှၤတီပှၤလိၤန့ၣ်မ်အသးခုတက့ၢ်.မ်အသူၣ်ဖှံသးညီလၢယွၤအမဲာ်ညါတက့ၢ်.မ့ၢ်လံ.မ်အသူၣ်ဖှံသးညီဒီးတၢ်သူၣ်ခုသးခုန့ၣ်တက့ၢ်.
4သးဝံၣ်ထီၣ်ယွၤ,သးဝံၣ်ထီၣ်အမံၤတက့ၢ်.မၤကျဲတဘိလၢပှၤလၢအဒိးထီၣ်တၢ်လၢပှၢ်မုၢ်ကနၢတဂၤအဂီၢ်န့ၣ်တက့ၢ်.အမံၤမ့ၢ်ယွၤလီၤ.သူၣ်ဖှံသးညီလၢအမဲာ်ညါတက့ၢ်.
5ယွၤလၢအအိၣ်လၢအလီၢ်စီဆှံအပူၤန့ၣ်မ့ၢ်ပှၤဖိၣ်ဃဲအပၢ်,ဒီးပှၤလၢအစံၣ်ညီၣ်န့ၢ်ပှၤမုၣ်ကမဲအကွီၢ်လီၤ.
6ပှၤလၢအအိၣ်သယုၢ်တဂၤဧိၤန့ၣ်ယွၤပာ်ဝဲလၢဟံၣ်ပူၤလီၤ.ဒုးဟဲထီၣ်ပှၤလၢအဘၣ်စၢဃာ်လၢထးသွဲလီၤ.မ့မ့ၢ်ပှၤပူထီၣ်တၢ်ဖိန့ၣ်အိၣ်ဝဲဆိးဝဲလၢအလီၢ်အိၣ်သယုၢ်လီၤ.
7ယွၤဧၢ,တုၤနလဲၤထီၣ်လၢနပှၤဂီၢ်မုၢ်အမဲာ်ညါ,ဒီးတုၤနလဲၤတၢ်လၢပှၤမုၢ်ကနၢဒီး, (စ့လၤ)
8ဟီၣ်ခိၣ်ဆှဲးဆှိး,မူခိၣ်ဒုးလီၤစီၤစ့ၢ်ကီးတၢ်လၢကစၢ်အမဲာ်ညါ,စံၤနါဒၣ်လဲာ်လၢကစၢ်အမဲာ်ညါ,အံၣ်စရ့လးအကစၢ်လီၤ.
9နမၢတၢ်ဟဲစူၤအါအါကလဲာ်,ကစၢ်ဧၢ,နမၤကျၢၤနတၢ်န့ၢ်သါဖဲတၢ်ဘှံးအသးအခါန့ၣ်လီၤ.
10နပှၤတဖုအိၣ်ဝဲဆိးဝဲလၢနပူၤ,နကတဲာ်ကတီၤတၢ်လၢနတၢ်ဂ့ၤအဃိလၢပှၤဖှီၣ်န့ၢ်ယာ်ကဲအဂီၢ်,ယွၤဧၢ.
11ကစၢ်ဟ့ၣ်လီၤအကလုၢ်,ပိာ်မုၣ်လၢအကတိၤသြီတၢ်ကစီၣ်န့ၣ်အိၣ်ဂီၢ်မုၢ်ဖးဒိၣ်လီၤ.
12သုးမုၢ်အစီၤပၤတဖၣ်ဃ့ၢ်ကွံာ်ဝဲ,ဃ့ၢ်ကွံာ်ဝဲ,ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ်နီၤဖးတၢ်ဂုာ်န့ၢ်လီၤ.
13တုၤသုမံလီၤလၢသိကရၢပူၤဒီး,တၢ်ကမၤသးဒ်ထိၣ်လွံၢ်အဒံးဆ့ဖှူဝဲလၢစ့,ဒီးအထိၣ်ဒံးဖျါဘီဝဲဒ်ထူစီအသိးန့ၣ်လီၤ.
14တုၤတၢ်သ့တၢ်လၢာ်မၤလီၤပြံလီၤပြါစီၤပၤတဖၣ်လၢအပူၤဒီး,တၢ်ဟဲစူၤလၢမူခိၣ်ဖီလၢစၤလမိၣ်အလိၤန့ၣ်လီၤ.
15ယွၤအကစၢၢ်ကလိမ့ၢ်ဘၤၡၣ်အကစၢၢ်,တၢ်ထီၣ်ထီတဖၣ်အကစၢၢ်မ့ၢ်ဘၤၡၣ်အကစၢၢ်လီၤ.
16သုကွၢ်တကျ့လၢသုမဲာ်ကစၢၢ်တဖျၢၣ်လၢအဘၣ်ကစၢ်အသးလၢအကအိၣ်ဝဲဆိးဝဲလၢအလိၤန့ၣ်မ့ၢ်အဘၣ်မနုၤလဲၣ်,တၢ်ထီၣ်ထီတဖၣ်အကစၢၢ်ဧၢ.မ့ၢ်လံ,ယွၤကအိၣ်လၢအလိၤလီၤထူလီၤယိာ်လီၤ.
17ယွၤအလ့ၣ်ကဟၣ်အိၣ်ခံကလး,တကထိဘၣ်တကထိ,တကထိဘၣ်တကထိလီၤ.ယွၤအိၣ်ဝဲလၢအကျါ,စံၤနါလၢအလီၢ်စီဆှံလီၤ.
18နလဲၤထီၣ်လံဆူတၢ်ထီၣ်ထီလံ,နမိၤထီၣ်မၢကဲကုၢ်လံတၢ်လၢအမၢကဲကုၢ်တၢ်န့ၣ်လီၤ.နဟံးန့ၢ်လံတၢ်ဟ့ၣ်လၢပှၤကညီအဂီၢ်,လၢပှၤပူထီၣ်တၢ်ဖိအဂီၢ်ဒၣ်လဲာ်,ဒ်သိးယွၤကစၢ်ကအိၣ်ကဆိးဒီးအီၤလီၤ.
19မ်ယွၤလၢအဝံပတၢ်ဝံတၢ်ယိးတနံၤဘၣ်တနံၤန့ၣ်ဘၣ်တၢ်စံးထီၣ်ပတြၢၤအီၤတက့ၢ်.တၢ်အုၣ်က့ၤခီၣ်က့ၤပှၤန့ၣ်မ့ၢ်ယွၤလီၤ. စ့လၤ.
20ယွၤမ့ၢ်တၢ်အုၣ်က့ၤခီၣ်က့ၤပှၤအကစၢ်လီၤ.ဒီးတၢ်ဟးထီၣ်လၢတၢ်သံအပူၤတဖၣ်န့ၣ်အိၣ်ဝဲဒီးကစၢ်ယွၤလီၤ.
21မ့ၢ်မးယွၤမၤသဘှံးအဒုၣ်အဒါတဖၣ်အခိၣ်,ပှၤလၢအလဲၤတၢ်လၢအတၢ်ကမၣ်အပူၤန့ၣ်အခိၣ်အိၣ်ဒီးခိၣ်သူန့ၣ်လီၤ.
22ယွၤစံးဝဲဒၣ်,ယကဒုးဟဲက့ၤတၢ်လၢဘၤၡၣ်,ယကဒုးဟဲက့ၤတၢ်လၢပီၣ်လဲၣ်အတၢ်ယိာ်ပူၤ,
23ဒ်သိးနကဘျၢနခီၣ်လၢတၢ်သွံၣ်အပူၤ,ဒ်သိးနထွံၣ်အပျ့ၤကလ့ၣ်နဒုၣ်နဒါန့ၣ်လီၤ.
24ထံၣ်ဘၣ်ဝဲလၢနလဲၤတၢ်,ယွၤဧၢ,ယကစၢ်,ယစီၤပၤအလဲၤတၢ်လၢအလီၢ်စီဆှံအပူၤန့ၣ်လီၤ.
25ပှၤသးဝံၣ်တၢ်ဖိလဲၤလၢညါ,ပှၤဒ့တၢ်ဖိလၢခံလၢပှၤမုၣ်ကနီၤတဖၣ်လၢအပှီၢ်တၢ်တဖၣ်အကျါလီၤ.
26လၢတၢ်အိၣ်ဖှိၣ်အကျါန့ၣ်စံးထီၣ်ပတြၢၤကစၢ်ယွၤတက့ၢ်,ပှၤလၢအမ့ၢ်အံၣ်စရ့လးအထံထီၣ်ပၢၢ်လီၤ.
27ပှၤဆံး,ပှၤလၢအပၢအီၤ,ဘံၣ်ယၤမံၣ်အိၣ်ဖဲန့ၣ်,ယူဒၤအပဒိၣ်ဖးဒိၣ်တဖၣ်,ဒီးအပှၤဂီၢ်မုၢ်,စဘူလိၣ်အပဒိၣ်ဖးဒိၣ်,နးသၤလံအပဒိၣ်ဖးဒိၣ်လီၤ.
28နကစၢ်မၤလိာ်နဂံၢ်နဘါလီၤ.မၤဆူၣ်ထီၣ်,ကစၢ်ဧၢ,တၢ်လၢနမၤလၢပဂီၢ်တက့ၢ်.
29စီၤပၤတဖၣ်ကဟဲစိာ်ခိၣ်ဖးဆူနအိၣ်လၢနနူၢ်လၢယရူၤၡလ့ၣ်အပူၤအဃိန့ၣ်လီၤ.
30သိၣ်ဃီၣ်တပိၢ်အဆၣ်ဖိကီၢ်ဖိအမံၤ,ဂီၤဖံးဖါအတၢ်အိၣ်ဖှိၣ်,ဒီးပှၤဂီၢ်မုၢ်အဂီၤဖံးဖိဖဲအဆီၣ်လီၤအသးလၢစ့အကူာ်တဖၣ်န့ၣ်တက့ၢ်.မၤလီၤပြံလီၤပြါပှၤလၢအဘၣ်အသးလၢဒုးသုးတက့ၢ်.
31ပဒိၣ်အိၣ်ဒီးခ့ဒီးပှၤတဖၣ်ကဟဲက့ၤထီၣ်လၢအဲၤကူပတူးအပူၤ,ကူၤၡးကယူာ်ထီၣ်အစုဆူယွၤအအိၣ်လီၤ.
32ဟီၣ်ခိၣ်အဘီမုၢ်သ့ၣ်ဧၢ,သးဝံၣ်ထီၣ်ယွၤတက့ၢ်.စံးထီၣ်ပတြၢၤယွၤတက့ၢ်. စ့လၤ.
33ပှၤလၢအဒိးမူခိၣ်အမူခိၣ်လၢပျၢၤလၢကစၢၤတဂၤန့ၣ်,စံးထီၣ်ပတြၢၤအီၤတက့ၢ်.ကွၢ်ကွၢ်,အကလုၢ်လီၤဝဲ,အသီၣ်ဖးဒိၣ်လီၤ. စ့လၤ.
34ပာ်တၢ်ဂံၢ်ဆူၣ်ဘါဆူၣ်လၢယွၤတက့ၢ်.အလၤအကပီၤအိၣ်ဝဲလၢအံၣ်စရ့လးအဖီခိၣ်,ဒီးအစိအကမီၤအိၣ်ဝဲလၢတၢ်အၢၣ်တဖၣ်လီၤ.
35ယွၤဧၢ,နမ့ၢ်တၢ်ပျံၤအလီၢ်လၢနလီၢ်စီဆှံအပူၤလီၤ.အံၣ်စရ့လးအကစၢ်မ့ၢ်ပှၤလၢအဟ့ၣ်အပှၤဂီၢ်မုၢ်လၢအဂံၢ်အဘါ,ဒီးတၢ်အစိအကမီၤလီၤ.စံးထီၣ်ပတြၢၤယွၤတက့ၢ်.