Psalms 97
1ယွၤကဲစီၤပၤ,မ်ဟီၣ်ခိၣ်သူၣ်ဖှံသးညီတက့ၢ်.မ်ကီးဂီၢ်မုၢ်တဖၣ်န့ၣ်သူၣ်ခုသးခုတက့ၢ်.
2တၢ်အၢၣ်ဒီးတၢ်ခံးအိၣ်ဝးတရံးအီၤ,တၢ်တီတၢ်လိၤ,ဒီးတၢ်စံၣ်ညီၣ်မ့ၢ်အလီၢ်ပစိာ်အခီၣ်ထံးလီၤ.
3မ့ၣ်အူလဲၤလၢအမဲာ်ညါ,ဒီးအီၣ်ကွံာ်အဒုၣ်အဒါအိၣ်ဝးတရံးဝဲလီၤ.
4အလီဝၢ်ဒံးန့ၣ်မၤကပီၤထီၣ်လၢာ်ခိၣ်,ဟီၣ်ခိၣ်ထံၣ်ဘၣ်ဒီးဆှဲးဆှိးဝဲလီၤ.
5ကစၢၢ်ကလိပှံၢ်ဝဲဒ်ဃိးအသိးလၢယွၤအမဲာ်ညါ,လၢဟီၣ်ခိၣ်ဒီဘ့ၣ်ညါအကစၢ်အမဲာ်ညါလီၤ.
6မူခိၣ်ဒုးနဲၣ်ဝဲအတၢ်တီတၢ်လိၤ,ဒီးပှၤဂီၢ်မုၢ်တဖၣ်ခဲလၢာ်ထံၣ်ဘၣ်အလၤအကပီၤလီၤ.
7ကယဲၢ်ပှၤလၢအမၤတၢ်ဂီၤတၢ်ဖီၣ်အတၢ်မၤ,ပှၤလၢအပာ်ကဖိအသးလၢတၢ်တမ့ၢ်ဘၣ်တၢ်အဃိတဖၣ်န့ၣ်ကမဲာ်ဆှးလီၤ.ကစၢ်ခဲလၢာ်သ့ၣ်ဧၢ,ဘူၣ်ထီၣ်ဘါထီၣ်ယွၤတက့ၢ်.
8စံယိၣ်နၢ်ဟူဝဲ,ဒီးသူၣ်ခုသးခု,ဒီးယူဒၤအဖိမုၣ်တဖၣ်သူၣ်ဖှံသးညီလၢနစံၣ်ညီၣ်တၢ်တဖၣ်အဃိ,ယွၤဧၢ,
9အဂ့ၢ်ဒ်အံၤ,ယွၤဧၢ,နဲဒၣ်နမ့ၢ်တၢ်ထီကတၢၢ်လၢဟီၣ်ခိၣ်ဒီဘ့ၣ်ညါအဖီခိၣ်,နအိၣ်ထီၣ်ထီလၢကစၢ်ခဲလၢာ်အဖီခိၣ်ဒိၣ်ဒိၣ်ကလဲာ်လီၤ.
10ပှၤလၢအအဲၣ်ယွၤသ့ၣ်ဧၢ,သးဟ့တၢ်အၢတက့ၢ်.ပၢၤဝဲအပှၤစီဆှံအသးန့ၣ်,မၤပူၤမၤဖျဲးကွံာ်အီၤလၢပှၤတတီတလိၤအစုပူၤန့ၣ်လီၤ.
11တၢ်ကပီၤဖှံအသးလၢပှၤတီပှၤလိၤအဂီၢ်,ဒီးတၢ်သူၣ်ခုသးခုလၢပှၤအသးလိၤတဖၣ်အဂီၢ်န့ၣ်လံ.
12ပှၤတီပှၤလိၤသ့ၣ်ဧၢ,သူၣ်ခုသးခုလၢယွၤအပူၤတက့ၢ်.လၢသုသ့ၣ်နီၣ်ထီၣ်က့ၤအတၢ်စီဆှံန့ၣ်စံးထီၣ်ပတြၢၤတၢ်တက့ၢ်.