The Bible Software
Psalms · S'gaw Karen Mason Bible 1853

Psalms 139

1ယွၤဧၢ,ဃုကွၢ်ထံယၤ,ဒီးနသ့ၣ်ညါယၤလီၤ.

2ယဆ့ၣ်နီၤ,ဒီးယဂဲၤဆၢထၢၣ်န့ၣ်နသ့ၣ်ညါလီၤ.နနၢ်ပၢၢ်ယတၢ်ဆိကမိၣ်လၢအယံၤလီၤ.

3ယကျဲ,ဒီးယမံလီၤအလီၢ်န့ၣ်နကွၢ်နီၣ်,ဒီးနသ့ၣ်ညါယကျဲဧိၤကပူၤဧိၤခဲလၢာ်လီၤ.

4အဂ့ၢ်ဒ်အံၤ,ကွၢ်ကွၢ်,ယွၤဧၢ,တၢ်ကတိၤလၢယပျ့ၤအလိၤလၢနတသ့ၣ်ညါဘၣ်န့ၣ်တအိၣ်ဘၣ်နီတထံၣ်ဘၣ်.

5လၢယလီၢ်ခံဂ့ၤဂ့ၤ,လၢယမဲာ်ညါဂ့ၤဂ့ၤ,နတနံးယၤ,ဒီးနပာ်နစုလၢယလိၤလီၤ.

6တၢ်သ့ၣ်ညါဒ်န့ၣ်အသိးလီၤလးဒိၣ်ကဲာ်ဆိးလၢယဂီၢ်လီၤ.အိၣ်ထီၣ်ထီဝဲန့ၣ်ယထီၣ်ဘးတသ့ဘၣ်.

7ယကလဲၤပူၤကွံာ်လၢနသးဆူလဲၣ်.ဒီးယကဃ့ၢ်ပူၤကွံာ်လၢနမဲာ်ညါဆူလဲၣ်.

8ယမ့ၢ်လဲၤထီၣ်ဘးလၢမူခိၣ်ဒီး,နအိၣ်ဖဲန့ၣ်လီၤ.ယမ့ၢ်ဒါလီၤယလီၢ်မံလၢပျုၤပူၤဒီးကွၢ်ကွၢ်,နအိၣ်ဖဲန့ၣ်လီၤ.

9ယမ့ၢ်ဟံးန့ၢ်မုၢ်ဂီၤအဒံးဆ့,ဒီးအိၣ်လၢပီၣ်လဲၣ်အကတၢၢ်ဒီး,

10နစုကဆှၢယၤဖဲန့ၣ်စ့ၢ်ကီး,ဒီးနစုထွဲကဟံးဃာ်ယၤလီၤ.

11ယမ့ၢ်စံး,မ့ၢ်မးတၢ်ခံးကမၤဘံၣ်မၤဘၢယၤဒီး,မုၢ်နၤကဲထီၣ်တၢ်ကပီၤဝးတရံးယၤလီၤ.

12တၢ်ခံးလၢနမဲာ်ညါန့ၣ်တခံးဘၣ်ဝဲဘၣ်,ဒီးမုၢ်နၤကပီၤထီၣ်ဒ်မုၢ်ဆါအသိးန့ၣ်လီၤ.တၢ်ခံးမၤသးဒီးနၤဒ်တၢ်ကပီၤအသိးန့ၣ်လီၤ.

13အဂ့ၢ်ဒ်အံၤ,နအိၣ်ဒီးယကလ့ၢ်တဖၣ်,နဒုးကဲထီၣ်ယၤလၢယမိၢ်အဟၢဖၢပူၤလီၤ.

14တၢ်တ့လီၤယၤအိၣ်ဒီးပျံၤတၢ်အလီၢ်,ဒီးကမၢကမၣ်တၢ်အလီၢ်လီၤ.မၤသးဒ်န့ၣ်ဒီးယကစံးထီၣ်ပတြၢၤနၤလီၤ.နတၢ်မၤတဖၣ်လီၤလးဝဲန့ၣ်ယသ့ၣ်ညါသပှၢ်ပှၢ်လီၤ.

15ဖဲတၢ်တ့လီၤယၤလၢတၢ်တဒၢ,ဖဲတၢ်တ့ယၤလၢဟီၣ်ခိၣ်အယိာ်ပူၤန့ၣ်ယက့ၢ်ယဂီၤတအိၣ်ခူသူၣ်ဘၣ်ဒီးနၤဘၣ်.

16ယတၢ်တလိၣ်န့ၣ်နမဲာ်ထံၣ်အီၤလီၤ.ဒီးဘၣ်ကွဲးအသးလၢနလံာ်ပူၤခဲလၢာ်မုၢ်နံၤတဖၣ်လၢအကကဲထီၣ်ဒီးတအိၣ်ဒံးဘၣ်နီတနံၤဘၣ်.

17ဒီးကစၢ်ဧၢ,နတၢ်ဆိကမိၣ်န့ၣ်မ့ၢ်တၢ်လုၢ်ဒိၣ်ပှ့ၤဒိၣ်ဒီးယၤဆံးဒိၣ်လဲၣ်,အတၢ်ဂံၢ်မ့ၢ်ဆံးအါလဲၣ်.

18ယမ့ၢ်ဂံၢ်အီၤ,ဒီးအိၣ်ဝဲအါန့ၢ်မဲးအဖျၢၣ်တက့ၢ်လီၤ.ယဖုသံနီၣ်,ဒီးယကအိၣ်ဒံးဒီးနၤလီၤ.

19ကစၢ်ဧၢ,မ့ၢ်မးနကမၤသံကွံာ်ပှၤတတီတလိၤဒီး,ပှၤဘၣ်အၢဒီးတၢ်သွံၣ်သ့ၣ်ဧၢ,ဟးဖးဒီးယၤတက့ၢ်.

20အဂ့ၢ်ဒ်အံၤ,အဝဲသ့ၣ်ကတိၤထီဒါနၤကြီကြီဒၣ်တၢ်,ဒီးနဒုၣ်နဒါပှ့ၤဘၣ်နမံၤကလီကလီလီၤ.

21ယွၤဧၢ,ပှၤလၢအသးဟ့နၤတဖၣ်န့ၣ်ယသးဟ့အီၤတမ့ၢ်ဘၣ်ဧါ,ဒီးယသးဘၣ်အၢပှၤလၢအထီဒါနၤ,တမ့ၢ်ဘၣ်ဧါ.

22ယသးဟ့အီၤသပှၢ်တၢၢ်,ယပာ်အီၤလၢယဒုၣ်ယဒါလီၤ.

23ကစၢ်ဧၢ,ဃုကွၢ်ယၤ,ဒီးသ့ၣ်ညါယသးတက့ၢ်.မၤကွၢ်ယၤ,ဒီးသ့ၣ်ညါယတၢ်ဆိကမိၣ်တက့ၢ်.

24ဒီးကျဲအအၢလၢယပူၤမ့ၢ်အအိၣ်,တအိၣ်လဲၣ်န့ၣ်ကွၢ်,ဒီးဆှၢယၤလၢကျဲအထူအယိာ်အပူၤတက့ၢ်.

← Psalms 138Read In The App, Free →Psalms 140 →

Study Psalms 139

KJVMatthew HenryJamieson-Fausset-BrownAdam ClarkeJohn WesleyJohn CalvinKeil and DelitzschCharles SpurgeonScofieldFamily Bible NotesGeneva Bible Notes (1599)Reina-Valera (Español)Bíblia Portuguesa MundialLuther Bibel (Deutsch)Bible Louis Segond (Français)

All Chapters

123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150