Psalms 99
1ယွၤကဲစီၤပၤ,မ်ပှၤကလုာ်တဖၣ်ကနိးကစုာ်တက့ၢ်.ဆ့ၣ်နီၤဝဲလၢခ့ရူာ်တဖၣ်အဖီခိၣ်,မ်ဟီၣ်ခိၣ်ဟူးဝးတက့ၢ်.
2ယွၤဒိၣ်ဝဲလၢစံယိၣ်အပူၤ,ဒီးထီၣ်ထီဝဲလၢပှၤကလုာ်ခဲလၢာ်အဖီခိၣ်လီၤ.
3နမံၤလၢအမ့ၢ်တၢ်အဒိၣ်ဒီးတၢ်ပျံၤအလီၢ်န့ၣ်မ်ပှၤစံးထီၣ်ပတြၢၤတက့ၢ်.အဝဲဒၣ်စီဆှံဝဲလီၤ.
4ဒီးစီၤပၤအတၢ်ဂံၢ်ဆူၣ်ဘါဆူၣ်န့ၣ်အဲၣ်တၢ်စံၣ်ညီၣ်တီလီၤ.နဒုးအိၣ်ဂၢၢ်ဆိးကျၢၤတၢ်လီၤ.နမၤတၢ်စံၣ်ညီၣ်တီ,ဒီးတၢ်တီတၢ်လိၤလၢယၤကိာ်အပူၤလီၤ.
5ပာ်ထီၣ်ထီယွၤပကစၢ်,ဒီးဘူၣ်ထီၣ်ဘါထီၣ်ဖဲအခီၣ်ယီၢ်လီၢ်န့ၣ်တက့ၢ်.အဝဲဒၣ်န့ၣ်စီဆှံဝဲလီၤ.
6ဒီးစီၤမိၤရှ့ဒီးစီၤအၤဟရိၣ်လၢအပှၤလုၢ်တၢ်အဒိၣ်အကျါ,ဒီးစီၤၡမူၤအ့လးလၢပှၤလၢအကိးထီၣ်အမံၤအကျါလီၤ.အဝဲသ့ၣ်ကိးထီၣ်ယွၤ,ဒီးအဝဲဒၣ်စံးဆၢအီၤလီၤ.
7ကတိၤတၢ်ဒီးအီၤလၢတၢ်အၢၣ်ထူၣ်အပူၤန့ၣ်လီၤ.အဝဲသ့ၣ်တိၢ်န့ၢ်အတၢ်အုၣ်အသး,ဒီးတၢ်မၤလိာ်လၢအဟ့ၣ်လီၤအီၤလီၤ.
8ယွၤ,ပကစၢ်ဧၢ,နစံးဆၢအီၤလီၤ.နမ့ၢ်ကစၢ်တဂၤလၢအပျၢ်အတၢ်,ဒီးနမၤဆၢတၢ်လၢအမၤတၢ်အဃိလီၤ.
9ပာ်ထီၣ်ထီယွၤပကစၢ်,ဒီးဘူၣ်တၢ်ဘါတၢ်လၢအကစၢၢ်စီဆှံအလိၤန့ၣ်တက့ၢ်.အဂ့ၢ်ဒ်အံၤ,ယွၤပကစၢ်န့ၣ်စီဆှံဝဲလီၤ.