Psalms 20
1လၢတၢ်မၤကိၢ်မၤဂီၤအမုၢ်တနံၤန့ၣ်မ်ယွၤကနၣ်နကလုၢ်တက့ၢ်.မ်စီၤယၤကိာ်အကစၢ်အမံၤန့ၣ်ပာ်နၤလၢတၢ်ထီၣ်ထီ,
2မၢလီၤတၢ်မၤစၢၤနၤလၢအလီၢ်စီဆှံ,ဒီးဒုးအိၣ်ဂၢၢ်အိၣ်ကျၢၤနၤလၢစံယိၣ်န့ၣ်တက့ၢ်.
3မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ်,ဒီးတူၢ်လိာ်နတၢ်လုၢ်မ့ၣ်အူတက့ၢ်. စ့လၤ.
4မ်အဟ့ၣ်လီၤနၤလၢတၢ်ဖဲဒၣ်နသး,ဒီးမၤလၢထီၣ်ပှဲၤထီၣ်နတၢ်ကူၣ်ထီၣ်ဖးလီၤခဲလၢာ်န့ၣ်တက့ၢ်.
5ပကသူၣ်ဖှံသးညီလၢနတၢ်အုၣ်က့ၤခီၣ်က့ၤအပူၤ,ဒီးလၢပကစၢ်အမံၤန့ၣ်ပကသူၣ်ထီၣ်ပသုးဖိအလၣ်လီၤ.မ်ယွၤဟ့ၣ်တၢ်လၢနဃ့တၢ်ခဲလၢာ်န့ၣ်တက့ၢ်.
6ခဲကနံၣ်အံၤယသ့ၣ်ညါလၢယွၤအုၣ်က့ၤခီၣ်က့ၤအပှၤဒိးဖှူအသးတဂၤလီၤ.ကဒိကနၣ်ဝဲအကလုၢ်လၢအမူခိၣ်စီဆှံ,ဒီးကအုၣ်က့ၤခီၣ်က့ၤတၢ်လၢအစုထွဲလီၤ.
7ပှၤတနီၤနီၤသန့ၤအသးလၢလ့ၣ်ကဟၣ်တဖၣ်,ဒီးပှၤတနီၤနီၤလၢကသ့ၣ်တဖၣ်လီၤ.မ့မ့ၢ်ပဝဲဒၣ်အံၤပကသ့ၣ်နီၣ်ထီၣ်က့ၤယွၤပကစၢ်အမံၤလီၤ.
8အဝဲသ့ၣ်ဘၣ်တၢ်ဆီၣ်လီၤအီၤ,ဒီးလီၤဃံၤဝဲလီၤ.မ့မ့ၢ်ပဝဲဒၣ်အံၤပဂဲၤဆၢထၢၣ်,ဒီးပပာ်ဆၢထၢၣ်ပသးလီၤ.
9ယွၤဧၢ,အုၣ်က့ၤခီၣ်က့ၤတၢ်တက့ၢ်.တုၤပကိးထီၣ်ဒီး,မ်စီၤပၤကနၣ်ပကလုၢ်တက့ၢ်.