The Bible Software
Psalmen · Leuvense Bijbel 1548

Psalmen 107

1BEreydt is mijn herte Godt, bereyt is mijn herte ick sal singhen ende loff spelen in mijn glorie.

2Staet op psalter spel ende herpe, ick sal opstaen inden dagheraert.

3Ick sal v belijden in die wolcken Heere, ende v loff singhen in die natien.

4Want groot is bouen die hemelen v bermherticheyt, ende totten wolcken v warachticheyt.

5Wort verhauen Godt bouen die hemelen, ende bouen alle daertrijck v glorie

6dat v beminde verlost moghen worden. Maect salich met v rechte handt, ende verhoort my,

7Godt heeft ghesproken in sijnen heyleghen. Ick sal vrolijck sijn ende deylen Sichimam, ende die valleye der tabernakelen sal ick aff meten.

8Mijne is Galaad, ende mijne is Manasses, ende Ephraim is dat ontfanghen mijns hoofts. Iuda mijn coninck

9Moab den metalen pot mijnder hoopen. Tot in Idumeen sal ick mijnen schoen wtstrecken, die vreemdelinghen sijn my vrienden worden.

10Wie sal my leyden tot in die vaste stadt? wie sal my leyden tot in Idumeen?

11Suldijt niet doen o Godt die ons verstooten hebt, ende ghy Godt en sult ghy niet wtgaen met onse heyrcrachten.

12Gheeft ons helpe van die tribulatie, want ydel is die salicheyt des menschs.

13In Gode sullen wy cracht doen, ende hy sal te niete doen onse vianden.

← Psalmen 106Read In The App, Free →Psalmen 108 →

Study Psalmen 107

KJVMatthew HenryJamieson-Fausset-BrownAdam ClarkeJohn WesleyJohn CalvinKeil and DelitzschCharles SpurgeonScofieldFamily Bible NotesGeneva Bible Notes (1599)Reina-Valera (Español)Bíblia Portuguesa MundialLuther Bibel (Deutsch)Bible Louis Segond (Français)

All Chapters

123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150