Psalmen 115
1ICk heb ghelooft, daer om heb ick ghesproken, maer ick ben bouen maten seer verootmoedicht.
2Ick heb in mijnen ouerganck gheseyt, alle mensch is loghenachtich.
3Wat sal ick den Heere weder om gheuen, voer alle dat hy my ghegheuen heeft?
4Den kelck der salicheyt sal ick nemen, ende den naem des Heeren aenroepen.
5Mijn beloften sal ick den Heere betalen voer alle sijn volck,
6costelijck is in des Heeren aensicht die doot van sijnen heylighen.
7O Heere want ick ben v knecht, ick ben v knecht, ende uwer dienstvrouwen sone. Ghy hebt in stucken ghebroken mijn banden,
8v sal ick offeren het sacrificie des loeffs, ende den naem des Heeren aenroepen.
9Mijn beloften sal ick betalen den Heere voer daensicht van alle sijnen volcke,
10in die voerhouen van des Heeren huys, int midden van v Ierusalem.