Psalmen 6
1HEere en straft my niet in uwer verbolghentheyt, noch in uwer gramschappen en castijt my niet.
2Ontfermt v mijnder Heere want ick ben cranck, gheneest my Heere, want alle mijn beenderen sijn heel ontsteldt.
3Ende mijn ziele is seer verscrict, ende ghy Heere hoe langhe?
4Wert omghekeert Heere, ende verlost mijn ziele, maect my ghesont om uwe bermherticheyt.
5Want daer en is niemant in die doot die ws ghedachtich is, ende wie sal v in die helle belijden?
6Ick heb ghearbeyt in mijn suchtinghe, ick sal alle nachten mijn bedde wasschen, met mijnen tranen sal ick mijn rustplaetse beghieten.
7Mijn ooghe is van die verbolghentheyt verslaghen, ick ben veroudert onder mijn vianden.
8Gaet wech van my alle die boosheyt werct, want die Heere heeft die stemme mijns weenens ghehoort.
9Die Heere heeft mijn ootmoedich bidden verhoort die Heere heeft mijn ghebedt ontfanghen.
10Laet bescaemt worden, ende seer crachtelijck ontsteldt alle mijn vianden, laetse bekeert worden ende seer haestelijck hen scamen.