Psalmen 112

1LOeft ghy kinderen den Heere, loeft den naem des Heeren.

2Den naem des Heeren sij ghebenedijt, van nu aen tot inder eewicheyt.

3Vander sonnen opganck totten onderganck, is loffelijck den naem des Heeren.

4Hooghe es die Heere bouen alle Heydenen, ende bouen die hemelen is sijn glorie.

5Wie is ghelijck die Heere onse Godt, die in die hoochden woont

6ende die ootmoedighe aensiet inden hemel ende op die eerde?

7Verweckende vander eerden den allendighen, ende vanden dreck opheffende den armen.

8Om hem te stellen metten princen, met die princen sijns volcs.

9Die die onvruchtbaere doet woonen int huys, een vrolijcke moeder der kinderen.

Study Psalmen 112

All Chapters