Psalmen 23
1DEs Heeren is die aerde ende haer volheyt, den omganck der eerden, ende alle die daer in woonen.
2Want hy heeft die op die zee wateren ghefundeert ende op die vloeden heeft hy dien bereyt.
3Wie salder climmen opden berch des Heeren? oft wie sal staen in sijn heylighe plaetse?
4Die onnoosel van handen is, ende suyuer van herten, die niet te vergheefs sijn ziele en heeft ghenomen, noch sijnen naesten in bedroch ghesworen.
5Dese sal die benedictie vanden Heere ontfanghen, ende bermherticheyt van Godt sijnen salichmaker.
6Dit is tgheslachte der gheender die hem soecken, die daenschijn soecken van Iacobs Godt.
7Doet op v poorten ghy princen, ende wort opghehauen ghy eewighe poorten, ende daer sal incomen die coninck der glorien.
8Wie is dese coninck der glorien? die Heere sterck ende machtich, die Heere machtich inden strijdt.
9Doet op v poorten ghy princen ende wort opghehauen ghy eewighe poorten, ende daer sal incomen die coninck der glorien.
10Wie is dese coninc der glorien? die Heere der crachten die is die coninck der glorien.