Psalmen 125

1ALs die Heere wederom keerde die gheuanghenisse van Sion, soo sijn wy gheworden als ghetroost.

2Doen worde met blijscap veruult onsen mont, ende ons tonghe met verhueghen. Dan sullen sij segghen onder die Heydenen, die Heere heeft groote dinghen met hen ghedaen.

3Die Heere heeft groote dinghen met ons ghedaen, wy sijn blijde gheworden.

4Keert wederom Heere onse gheuanghenisse, ghelijck die beke inden zuyden wint.

5Die in tranen saeyen, sullen in verhueghen maeyen.

6Al gaende ghinghen sij ende weenden, worpende hen saden. Maer comende sullen sij comen met verhueghen, brenghende hen schoouen.

Study Psalmen 125

All Chapters