Psalmen 94
1COemt laet ons inden Heere verhueghen, laet ons met iolijt singen Gode onse salichmakere.
2Laet ons sijn aensicht te voren comen met belijdinge, ende met lofsanghen laet ons hem vrolijc iubileren.
3Want Godt is een groot Heere, ende een groot coninck bouen alle die goden.
4Want in sijn hant sijn alle die eynden der eerden, ende die hoochden der berghen sijn oock sijne.
5Want sijne is die zee, ende hy heeft die ghemaect, ende het drooghe hebben sijn handen ghescapen.
6Coemt, laet ons aenbidden, ende nederuallen, ende weenen voor den Heere die ons ghemaect heeft,
7want hy is die Heere onse Godt. Ende wij sijn het volck van sijnder weyden, ende scapen sijnder hant.
8Eest dat ghy heden sijn stemme hoort, soo en wilt v herten niet verharden.
9Ghelijck twas in die creytinghe, ten daghe der becoringhen in die woestijne. Daer my v vaders ghetempteert hebben, ende hebben gheproeft ende ghesien mijn wercken.
10Veertich iaren heb ic verstoort gheweest teghen dat gheslachte, ende ick heb gheseyt. Dese dolen altijt metter herten.
11Ende dese hebben mijn weghen niet ghekent, ghelijck ick ghesworen hebbe in mijn gramscap, eest dat sij gaen sullen in mijn ruste.