Levr ar Salmoù 56
1Az péz truez ouz-in, ô Doué; râg ann dén en deûz va mac’het; héd ann deiz en deûz stourmet ouz-in, hag en deûz va en̄krézet.
2Héd ann deiz ounn bét mac’het gan̄t va énébourien: râk kalz a zô hag a vrézéléka ouz-in.
3Pa zavô ann deiz em bézô aoun; hôgen enn-od é likiinn va géd.
4É Doué é veûlinn hé c’hér, é Doué em eûz lékéat va géd; n’am bézô két a aoun râg ar péz a rai ar c’hîk d’in.
5Héd ann deiz éc’h argarzen̄t va geriou; hô holl vénosiou a oa em énep enn drouk.
6En em strolla hag en em guzet a rain̄t; hag é arvéstin̄t va c’hamméjou. Ével ma hô deûz gortozet va buez,
7É doaré é-béd na zieûbi anézhô: enn da vuanégez, ô Doué, é tispenni ar boblou-zé.
8Va buez em eûz diskouézet d’id: va daérou éc’h eûz lékéat dira-z-od, hervez ar gér éz pôa rôet.
9Ével-sé va énébourien a zistrôiô war hô c’hiz: é pé zeiz-bennâg ma c’halvann ac’hanod, éc’h anavézann pénaoz oud va Doué.
10É Doué é veûlinn ar gér, enn Aotrou é veûlinn al lavar; é Doué em eûz lékéat va géd, n’am bézô két a aoun râg ar péz a rai ann dén d’in.
11Em én̄vor éma, ô Doué, ar gwéstlou em eûz gréat d’id, ar veûleûdi a dléann d’id.
12O véza ma éc’h eûz dieûbet va éné eûz ar marô, ha va zreid eûz al lamm: évit ma vézinn hétuz dirâk Doué é goulou ar ré véô. ———— LVI. PSALM. Évid ann divez, na zispenn két ac’hanoun. David en deûz lékéat ar skrid-man̄ da en̄vor, pa dec’haz a zirak Saul en eur c’héô.